അക്കാലത്ത് റോമിലെ അധിപതി ഡയോക്ലീഷൻ ചക്രവർത്തിയും സഹായി മാക്സിമിയനും ആയിരുന്നു . ചക്രവർത്തിക്ക് വേണ്ടി മനോഹരമായ ഒരു അങ്കണം പണിയുവാനും അതിന്റെ നിർമ്മാണത്തിൽ ക്രിസ്ത്യാനികളെ അടിമകളാക്കി ജോലി ചെയ്യിപ്പിക്കാനും മാക്സിമിയൻ തീരുമാനിച്ചു . അങ്ങനെ അനേകായിരം ക്രിസ്ത്യാനികൾ പുതിയ മഹാ അങ്കണത്തിന്റെ അറ്റകുറ്റ പണിയിൽ പങ്കെടുക്കാൻ നിർബന്ധിതരായി .

ഒരു റോമൻ കുലീന കുടുംബത്തിലെ പൗരൻ ആ ക്രൈസ്തവ അടിമകളുടെ ദുരിതം കുറയ്ക്കുന്നതിനു വേണ്ടി കുരിയാക്കോസ് , ലാർഗൂസ് , സ്മരാഗ്ദൂസും എന്നിവരെ അങ്ങോട്ടയച്ചു . തങ്ങളുടെ തന്നെ ജീവനെ അപായപ്പെടു ത്തിക്കൊണ്ട് ഈ മൂവരും ചേർന്ന് ധനസഹായത്തോടും പ്രോത്സാഹനങ്ങളോടും കൂടെ അടിമകൾക്ക് വേണ്ടി പ്രവർത്തിച്ചുവന്നു . അവരിൽ കുരിയാക്കോസ് ഡീക്കനും കുമ്പസാരകനുമായിരുന്നു ; എന്നാൽ ലാർഗൂസൂം സ്മരാഗ്ദൂസും കുമ്പസാരകർ മാത്രമായിരുന്നു .

റോമിൽ എല്ലായ്പ്പോഴും ഏഴു ഡീക്കന്മാർ ഉണ്ടായിരിക്കുക പതിവായിരുന്നു . അവരിൽനിന്ന് ഒരാൾ റോമിൻ്റെ അടുത്ത മെത്രാനാകുവാൻ തിരഞ്ഞെടുക്കപ്പെട്ടിരുന്നു . റോമിന്റെ ആർച്ച് ഡീക്കൻ എന്നനിലയിൽ ആശ്രിതർക്കെല്ലാം ഒരു ഉത്തമസഹായകനായി കുരുയാക്കോസ് തന്നെപ്പോലെ തന്നെ തടവറയിലടക്കപ്പെട്ടവർക്ക് സഹായമെത്തിച്ചു കൊടുക്കുവാനും ഈ വിശുദ്ധൻ മുൻപന്തിയിലായിരുന്നു . ഡയോക്ലീഷന് കുരിയാക്കോസിനെ നന്നായി അറിയാമായിരുന്നു . ചക്രവർത്തിയുടെ മകൾ ആർത്തെമിയ ( ആർത്തെമീസിയ ) പിശാചു ബാധിതയായിരുന്നപ്പോൾ അവളെ ബാധിച്ചിരുന്ന ദുരാത്മാവ് , തന്നെ പുറത്താക്കാൻ കുരിയാക്കോസിനു മാത്രമേ കഴിയൂ എന്ന് വെളിപ്പെടുത്തിയിരുന്നു . ഉടനെ ഡയോക്ലീഷൻ കുരിയാക്കോസിനെ ആളയച്ചു വരുത്തുകയും , ഡീക്കൻ ചക്രവർത്തിയുടെ മകളുടെ ബാധ ഒഴിപ്പി ക്കുകയും ചെയ്തു . ഈ സംഭവത്തോടെ അവളും അവളുടെ അമ്മ സെറീനയും ക്രിസ്ത്യാനികളായി . തിരുസഭ , സെറീനയെ പിന്നീട് വിശുദ്ധയായി പ്രഖ്യാപിച്ചു . കുറച്ചു കാലത്തിനു ശേഷം പേർഷ്യയിലെ ഒന്നാം ഷാപൂർ മഹാരാജാവിന്റെ AD(241-272) മകൾ ജോബിയാസിസെയും ദുരാത്മാവ് ബാധിച്ചു . അപ്പോൾ ഡയോക്ലീഷൻ കുരിയാക്കോസിനെ അങ്ങോട്ടയച്ചു വിശുദ്ധൻ അവളെ പിശാചിൽ നിന്ന് വിമുക്തയാക്കുകയും അങ്ങനെ രാജാവും , രാജകുടുംബം മുഴുവനും വേറെ നാനൂറു പേരും മാനസാന്തരപ്പെടു കയും മാമോദീസ സ്വീകരിക്കുകയും ചെയ്തു . പിന്നീട് ഇറ്റലിയിലെ അക്കോ നായിലെ മെത്രാനായി ഷാപൂർ രാജാവ് അഭിഷേകം ചെയ്യപ്പെട്ടു .

പത്താം നൂറ്റാണ്ടിന്റെ ആരംഭം മുതൽ തിരുശേഷിപ്പ് യൂറോപ്പിലെ അനവധി വ്യത്യസ്ത ദേവാലയങ്ങളിലേക്ക് പുനഃപ്രതിഷ്ഠിച്ചു കൊണ്ടിരുന്നു . വിശുദ്ധൻ്റെ കൈയുടെ ഒരു ഭാഗം ബാംബെർഗ് കത്തീഡ്രലിലെ നിധി - നിലവറയിൽ തിരുശേഷിപ്പായി സൂക്ഷിച്ചിരിക്കുന്നു . മറ്റു തിരുശേഷിപ്പുകൾ റോമിലെ സാന്താമരിയയിലേക്കും അൽസാസിലെ വി.സിറിയക് ആശ്രമത്തി ലേക്കും മാറ്റിയതായി അവകാശപ്പെടുന്നു .

റെനാനിയയിൽ ജനങ്ങൾ അദ്ദേഹത്തെ ഉത്കൃഷ്ഠതയോടെ വണങ്ങുന്നു .റൈൻലാന്റിലെയും പലാറ്റിനേറ്റിലെയും മുന്തിരി ഉപത്പാദകരുടെ പ്രത്യേക മദ്ധ്യസ്ഥൻ കൂടിയാണ് വി.കുരിയാക്കോസ് . വയേർസ്ബർഗ് രൂപതയിലെ ഒട്ടനവധി ദേവാലയങ്ങൾ വിശുദ്ധന്റെ നാമധയത്തിലുണ്ട് . വുയേർസ്ബർഗിലെ ജനങ്ങൾ , 1266 -ാം വർഷം വി.കുരിയാക്കോസിന്റെ ഓർമ്മയാചരണ ദിനത്തിൽ ഹെൻബർഗിലെ പ്രഭുവുമായുള്ള യുദ്ധം ജയിച്ചതിൻ്റെ സൂചകമായി തങ്ങളുടെ രക്ഷകനായി വി.കുരിയാക്കോസിനെ വാഴ്ത്തി . ഇന്ന് ഈ സംഭവം ഓർമ്മപ്പെടുത്തി കൊണ്ട് സെന്റ്.കുരിയാക്കോസ് മൗണ്ട് അതിമനോഹരമായ ഒരു മുന്തിരി തോട്ടമായി നിലകൊള്ളു ന്നു .

ഇസ്രായേലിലെ തകർക്കപ്പെട്ട അറബ് ഗ്രാമമായ മജ്ജയാബയിലും ഇപ്പോഴത്തെ ജെറീക്കോക്കു സമീപമുള്ള അൽ - ഫസായിലും കുരിയാക്കോസിന്റെ നാമത്തിൽ സന്യാസ ആശ്രമങ്ങളുണ്ടായിരുന്നു . ബൈസാന്റീൻ യുഗത്തിൽ ഈ രണ്ടു ഗ്രാമവാസികളഉം വിശുദ്ധനെ അത്യധികം വണങ്ങി യിരുന്നു . വി.കുരിയാക്കോസ് പതിനാലു വിശുദ്ധ സഹായകരിൽ ഒരാളായി വന്ദിക്കപ്പെടുന്നു . പിശാചുബാധ , കണ്ണുരോഗം എന്നിവയുടെ പ്രത്യേക മദ്ധ്യസ്ഥനായ കുരിയാക്കോസ് റോമൻ കത്തോലിക്കാ സഭയിലെ ആദ്യകാല പിശാചുബാധ വിദൂരകനും കൂടിയാണ് .

1899 ൽ ആഗസ്റ്റ് 8 ന് വി.കുരിയാക്കോസിന്റെ തിരുനാൾ ദിനത്തിൽ അതിശക്തമായ ഒരു കൊടുങ്കാറ്റ് പുവെർട്ടോറിക്കോ ദ്വീപിൽ ആഞ്ഞടിക്കുകയുണ്ടാ യി . ഇതേത്തുടർന്ന് ഈ ദ്വീപുകൾ വിശുദ്ധന്റെ പേരിൽ അറിയപ്പെടാൻ തുടങ്ങി . ഹരികെയ്ൻ കൊടുങ്കാറ്റടിച്ചതിനാൽ ആ സ്ഥലം " ഹരികെയൻ സാൻ സിറിയാക്കോ ' എന്നറിയപ്പെടുന്നു .

ഡയോക്ലീഷൻ്റെ അങ്കണത്തിലെ " വി.കുരിയാക്കോസ് ദേവാലയം ഈ രക്തസാക്ഷിയായ വിശുദ്ധന്റെ നാമധേയത്തിൽ പ്രതിഷ്ഠിക്കപ്പെട്ടതാണ് . ഗ്രീക്കുഭാഷയിൽ സിറിയക് എന്ന വാക്കിന്റെ അർത്ഥം ' മദ്ധ്യസ്ഥൻ ' എന്നാണ് . അഞ്ചാം നൂറ്റാണ്ടുമുതൽ , കൃത്യമായി പറഞ്ഞാൽ എ.ഡി .494 ൽ ഒന്നാം റെലാഷിയുസ് മാർപാപ്പയുടെ കാലം മുതൽ , വി.കുരിയാക്കോസിന്റെ തിരുന്നാൾ , സഭ ആചരിച്ചു പോന്നിരുന്നു . ഇന്നത്തെ റോമൻ രക്തസാക്ഷിത്വത്തിന്റെ ഔദ്യോഗിക രേഖയിൽ ഈ തിരുനാൾ ഉൾപ്പെടുത്തിയിട്ടുണ്ട് . ഇതേ നാം വഹിക്കുന്ന ഇരുപത്തിയേഴു വിശുദ്ധരിൽ ഒരാളാണ് ഈ വിശുദ്ധൻ . അവരിൽ മിക്കവരും രക്തസാക്ഷികളാണെങ്കിലും ഏഴുപേരുടെ പേരുകൾ മാത്രമേ റോമൻ രക്തസാക്ഷിത ചരിത്രത്തിൽ പ്രത്യേക പരാമർശത്തോടെ ആദരിക്കപ്പെടുന്നുള്ളൂ . തിരുസഭ വിലാർഗുസ്സിന്റെയും , വി.സ്മാരാക്റ്റ്സിന്റെയുമൊപ്പം വി.കുരിയാക്കോസിന്റെ സ്മരണ വർഷാവർഷം ആഗസ്റ്റ് 8 ന് ആചരിക്കുന്നു .